«сўз эркинлиги» тегли мақолалар
«Аноним террор» қонунийлик ва сўз эркинлигига қандай зарба бермоқда?
Ўзбекистонда «аноним террори» янги босқичга чиқмоқда. Улар энди тергов ва суд ўрнини ҳам эгалламоқчи — ўзи айблов эълон қилади, ҳукм ўқийди, жазолайди. Жамоат фаоли Шаҳноза Соатова ва ҳуқуқшунос Фурқат Тожиевнинг қайд этишича, бу ошкора қонунсизлик қиссасини ҳамма ўқияпти, лекин ҳеч ким индамайди.
Nuz.uz журналистини ушлаган шахсларга нисбатан хизмат текшируви тайинланди
Бош прокуратура Nuz.uz журналисти Михаил Довлатовни ушлаб, унинг фаолиятига тўсқинлик қилган ҳуқуқ-тартибот идоралари ходимларига нисбатан хизмат текшируви бошланганини маълум қилди.
Қирғизистонда хавфсизлик кучлари мустақил журналистларни тинтув ва сўроқ қилмоқда. Асосий маълумотлар
Қирғизистон милицияси Temirov Live ва «Айт Айт Десе» мустақил лойиҳалар журналистларининг устидан тинтув ўтказди ва бир неча кишини сўроққа олиб кетди. Бундан ташқари, 24.kg агентлиги таҳририятига ҳам хавфсизлик кучлари келган. «Газета.uz» вазиятга алоқадор маълумотларни тақдим этади.
Тошкент суди Nuz.uz журналистига нисбатан қўзғатилган маъмурий ишни тугатди
Суд Nuz.uz журналисти Михаил Довлатовга нисбатан қўзғатилган маъмурий ишни тугатди. Суд иши майда безорилик ва ички ишлар ходимларининг қонуний талабларини бажармаслик моддалари билан очилганди. Тошкент шаҳри ИИББ журналист жамоат жойида чеккани учун жаримага тортилганини маълум қилган.
Ўрганиш ўтказишга борган журналист чеккани учун ушланиб, жаримага тортилди
Маҳаллалардан бирида аҳоли билан учрашишга борган Nuz.uz журналисти Михаил Довлатов ҳуқуқ идоралари ходимлари томонидан ушланди. У тахминан 5 соат қўйиб юборилмаган ва жамоат жойида чекканлик учун жаримага тортилган. АОКА прокуратурага сўров юборди.
Президент: «Одамларнинг янгилик ва таҳлилларга бўлган эҳтиёжини тўлдирмасак, буни бошқалар қилади» (видео)
Шавкат Мирзиёев Хавфсизлик кенгаши йиғилишида одамларнинг янгилик ва таҳлилий маълумотларга бўлган эҳтиёжи тўлдирилмаса, буни бошқа мамлакатлардаги манбалар амалга оширишини айтди. «Бунга мутлақо йўл қўйиб бўлмайди», — деди у. Видео.
Қирғизистонда болаларга зарар етказувчи ахборотни тақиқловчи қонун қабул қилинди
Қирғизистон президенти қонунчиликка ОАВда «болалар саломатлиги ёки ривожланишига зарар етказувчи» маълумотларни тарқатишни тақиқловчи тузатишларни имзолади. Ҳуқуқ ҳимоячилари қонуннинг қабул қилинишига қарши чиқиб, уни «цензура учун яна бир восита» деб атади.
Қирғизистон суди «Азаттиқ» радиосини ёпиш тўғрисидаги қарорини бекор қилди
Бишкек суди Қирғизистон Маданият вазирлиги даъвоси бўйича «Азаттиқ» радиосини ёпиш тўғрисидаги қарорини бекор қилди — томонлар келишувга эришди. Нашр мамлакатда 2022 йилда қирғиз-тожик чегарасидаги можаро ҳақида хабар бергани учун блокланган, унда, расмийларга кўра, «нотўғри маълумотлар» мавжуд эди.
«Жамият муаммоларини бартараф этишда, коррупцияга қарши курашда журналистларга таянамиз» — президент
Ўзбекистон президенти ОАВ ходимларини табриклаб, сўз эркинлиги, ахборот олиш ва тарқатиш ҳуқуқини таъминлашни мамлакат тараққиёт стратегиясининг ажралмас қисми деб билишини таъкидлади. Унинг қўшимча қилишича, коррупция ва жамиятнинг бошқа муаммоларига қарши курашда давлат журналистларга таянади.
«Сўз эркинлиги борасидаги ислоҳотларга адекват баҳо бериш керак» — президент матбуот котиби
Президент матбуот котиби Шерзод Асадов Ўзбекистонда сўз эркинлиги даражасини изоҳлаб, 2016 йил охиридан буён бу борадаги ислоҳотлар натижаларига адекват баҳо бериш кераклигини айтди. Комил Алламжонов эса сўз эркинлиги даражасини 5,5 балга баҳолаб, ҳали қилинадиган ишлар кўплигини айтди.
«Сўз эркинлиги бу — масъулият ҳам дегани» — президент
Шавкат Мирзиёев халқ овози ва фикрини кенг жамоатчиликка, давлат идоралари эътиборига олиб чиқаётган энг таъсирчан куч, бу — ОАВ ва журналистлар эканини таъкидлади. Шунингдек у ахборот маконида ҳаққонийлик ва холислик бош мезон эканини унутмаслик зарурлигини айтди.
«ОАВ вакилларига ҳеч ким „уни ёзма, буни ёз“ деяётгани йўқ» — Журналистлар уюшмаси цензура бўйича мурожаатнома ҳақида
Журналистлар уюшмаси журналистлар ва жамоатчилик вакилларининг цензура ҳақидаги мурожаатига изоҳ берар экан, «ҳеч бир таҳририят ва мустақил журналистларга, блогерларга босим ўтказилаётганига гувоҳ бўлмадик», дея таъкидлади. Аксинча, сўз эркинлигини суиистеъмол қилиш ҳолатлари ҳақида хабар берди.
Журналистлар ва фаоллар президентга «яширин, лекин кучли цензура» сабабли мурожаат қилишди
Журналистлар ва жамоат фаоллари Ўзбекистон президентига «яширин, лекин кучли цензура» юзасидан мурожаат қилишди. Мурожаат муаллифлари давлат раҳбаридан матбуотнинг том маънодаги мустақиллигини таъминлашда тарихий ёрдам беришини сўрашди.
«Эркин ОАВ учун шарт-шароит яратиш — пропагандага энг яхши жавобдир» — АҚШ давлат котиби
АҚШ давлат котиби Энтони Блинкен Тошкентда журналистларга берган интервьюсида ташқи пропаганда ва дезинформацияга қарши курашишда мустақил ва очиқ ОАВ учун шароит яратиш зарур эканини қайд этди. «Одамларга нима тўғри ва нима нотўғрилигини ўзлари ҳал қилиш имкониятини бериш керак», — деди у.
«Сўз эркинлигининг чегарасини Адлия вазирлиги белгиламайди». Тармоқ фаоллари вазирлик эслатмасини қоралади
Адлия вазирлиги ОАВ ва блогерларни «жамиятдаги муаммоларни фақат ҳуқуқий воситалар асосида ҳал қилиш»га чақириб, ОАВдаги туҳмат ва ҳақорат учун жазоларни эслатди. Фаоллар эса бу каби эслатмалардан «сўз эркинлиги ютқазаётгани», «эркин матбуот ҳали адлиянинг ўзига ҳам керак бўлиши»ни таъкидлади.
«Ҳамма айтади: ОАВни ёпиб қўй, деб. Йўқ, ёпмайман» — президент сўз эркинлиги ҳақида
Президент Шавкат Мирзиёев Қаршида фаоллар билан суҳбатда ОАВ, сўз эркинлиги ҳақида тўхталди. У кўпчилик ОАВни ёпиб қўйишни айтишини маълум қилди. «Йўқ, ёпмайман. Яна олдингидай прокурор, СНБ (МХХ) текширувчи бўлаверсинми? Биз ниятимизга етдикми? Биримиз икки бўлдими?» — дея сўради у.
Блогер Олимжон Ҳайдаров 21 млн сўм миқдорида жаримага тортилди
Блогер Олимжон Ҳайдаров митинглар ташкил этиш ва ўтказиш тартибини бузганлик, ёлғон ахборот тарқатганликда айбланиб, 21 млн сўм миқдорида жаримага тортилди. У яқинда Фарғонадаги завод ишчиларининг норозилик намойиши акс этган видеони эълон қилганди, шундан сўнг 7 ишчи ҳибсга олинганди.
Президент Европа Кенгаши раҳбари билан иқтисодиёт ва сўз эркинлигини муҳокама қилди
Президент Шавкат Мирзиёев ва Европа Кенгаши раҳбари Шарль Мишель Ўзбекистондаги иқтисодий ислоҳотлар, сўз эркинлигини таъминлаш ҳамда бошқа масалаларни муҳокама қилди.
Буюк Британиянинг Тошкентдаги элчиси берган интервью Россия ОАВларига ёқмади
Буюк Британиянинг Тошкентдаги элчиси Alter Ego лойиҳасига берган интервьюсида, унинг таъбири билан айтганда, «урушда қурол сифатида фойдаланилаётган» Россия оммавий ахборот воситалари фаолиятининг чекланиши, шунингдек, Владимир Путин ва унинг атрофидагиларга қарши киритилган санкциялардан кўзланган мақсад хусусида сўз юритди. Россия оммавий ахборот воситалари ва элчихонаси дипломатни танқид қилиб, мазкур интервьюни «йўқ жойдан шовқин кўтариш» деб атади.
«Инсон ҳуқуқлари учун масъулиятни зиммага олиш керак» — Amnesty International
Ўзбекистонда инсон ҳуқуқлари соҳасидаги яхшиланишлар билан бир қаторда, сўз эркинлиги, уюшмалар ва тинч йиғилишлар эркинлигига нисбатан чекловлар сақланиб қолмоқда, дейилади Amnesty International ҳисоботида. Дунёда сўз, виждон эркинлиги, йиғилиш эркинлиги ва бошқа эркинликларга нисбатан тазйиқ кучаймоқда, дея таъкидлади инсон ҳуқуқлари ташкилоти.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- Тошкентда навбатдаги «Автомобилсиз кун» акцияси — фото, видео
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
Қўшимча имкониятларга эга булиш учун сайтда рўйхатдан ўтинг